Translate

13 يوليو 2010

ناولني الوش الخشب يا ويلد

قصة من خيالات أبو محمود
تنهد بسطويسي و هو يودع أخر أنفاس سيجارته و زفر بكلمات باهتة لم يكد يسمعها حسنين و لد بهانة الذي لكزه قائلا انت بتبرطم تجول ايه يا ولد الفرطوس فرمقه بعين ترمي بشرر مزاجه الكأبة و اليأس و قال ضيعت روحي معاه و انا باداري و اخبي فضحك حسنين حتي ار...تجت رئتيه و أنهي زلزال ضحكه بقوله: بتحب اياك فرد بسطويسي: يكشي الحب حرام عاد؟؟ تعرف يا حسنين أنا حاسس ان الناس حوليا قلوبها خشب و زلط شفت حد بيدمع في فراق أو لقا أو موت أو فرح إلا اذا كان هناك مصلحة و بيزنس تعرف يا ود بهانة انا حاسس ان لازم اخلع قلبي ده و اركب قلب جديد يكون حديد أو ادور علي ناس زيي قلوبهم ع الزيرو بتحب و تفرح و تود و تسبح قلوب لما تنزنق تقول سبحان الله مش الجماعة المنيلين بتوع شيت و واوووووووووووووووو تعرف يا ود بهانة حبيبك اللي تحبه و لو كان عبد نوحي و لو حبتك حية اتلفح بيها و ساعة الحظ متتعوضش المشكلة ان بنعلم العيال ان الحب حرام علي ان كل الحب علاقات خاصة بايظة فالعيال بيطلعوا لاغيين الحب خالص حلاله قبل حرامه و القلوب تخشب و العقول تحجر تعرف يا ولد الفرطوس ان احلي حب هو حب الله اللي خلقك و ابدع خلقك و رحمك مع ان ممكن بجلطة 3 مم ينسف عمرك لكن سايبك و رازقك و يحب يسمع دعاك و يتلقاك لما تغرغر و يكون معاك في كل زنقة..ليه ننسي مش عارف يا حسنين أخليني بقلبي و ادور علي ناس حلوين و لا ارمي قلبي و اشتري قلب خشب زان زي قلوبهم من عند الواد خلوصي ابن عنايات النجار دلوني يا هوووه و لا هملوني عاد