Translate

31 أغسطس 2010

أغاني الأطفال زمان

أبو الفصاد
لاحظ صوت فؤاد المهندس
و أمال فهمي
و موسيقي المقدمة التي كانت تتر لبرنامج علي الناصية
لأمال فهمي لسنين عددا




ذهب الليل
محمد فوزي




و الليلة الكبيرة
و المولد
و فتح عينك تاكل ملبن


قبة سيدنا الوالي دول نوروها
محلا البيارق و الناس بيزوروها
قبة سيدنا الوالي في الجو عالية
محلا البيارق لما نوروها
حمص حمص تل ماينقص
عالنار يرقص يرقص و يقول
اللي شاف حمص و الا كلشي
حب و اتلوع و لا طالشي
يسترك هات حبة بقرش
حمص حمص حمص
إسعى إسعى إسعى إسعى
خدلك صورة ستة في تسعة
إسعى إسعى إسعى إسعى
ياسي عجورة النار خسعة
الله الله الله الله
عجمية باللوز طعمية أراجوز
اليلة الكبيرة يا عمي و العالم كتيرة
ماليين الشوادر يابا م الريف و البنادر
دول فلاحين و دول صعايدة
دول من القنال و دول رشايدة
يا حضرة الأراجوز قولي
نعم يا عمدة عاوز إيه
منين يروحوا المتولي
إمدح نبينا و صلي عليه
اللهم صلي عليه
تمشي كدة على طول على طول
لحد ما تلاقي عمارة
تكسر يمين تلقى بتاع فول
دكانته على ناصية حارة
تدخل يمينك و شمالك
شارعين و في التالت تكسر
شارعين و في التالت أكسر
على اليمين واخد بالك
وتمشي على طول تتمخطر
وأمشي على طول و أتمختر
تفضل كدة تمشي و تلف
وتخش من مطرح ما طلعت
وأخش من مطرح ما طلعت
ولما تلقى مقلة لب
تعرف بإنك توهت و ضعت
دي وصفة سهلة
دي وصفة هايلة
مع السلامة مع السلامة يابو عمة مايلة
فتح عينك تاكل ملبن
فينك فينك تاكل ملبن
إوعى لجيبك لا العيب عيبك
قرب جرب نشن وسطن إيدك و سطن
إضـــــــــرب
يحميك يا بني تبقى غالبني
قرب خدلك حتة ملبن
فريرة للعيل يابو العيال ميل
خدلك سبع فرافير
زمارة شخليلة عصفورة يا حليلة
طراطير يا واد طراطير
طراطير طراطير طراطير
الليلة الليلة السيرك تعالوا
دي فرجة تساوي جنيه قولوا هيه
بمناسبة هذا المولد يا ولاد
برنامج سواريه قولوا هيه
في السيرك شجيع يهجم عالسبع
ويركب دوغري عليه قولوا هيه
وبنات قمرات زي الشربات
حلوين مش عارف ليه قولوا هيه
وكمان بلياتشو تعالوا إسمعوا ناتشه
وشوفوا هيعمل إيه قولوا هيه
هيـــه هيـــه هيـــه
أنا شجيع السيما أبو شنب بريمة
أول ما أقول هليهوب و أصرخلي صرخة
السبع يتكهرب و يبقى فرخة
حالاً بالاً سأصارع أسد إنما إيه متوحش
وهخلي وجهه شوارع تسقيفة يا ناس ميصحش
أهو جه أهو جه تسقيفة بقا
تسقيفة أمال تشجيعة أمال
تعالالي الالي اللالي يا حبيبي تعالالي
السمك مقلي كل و برقلي صنف زي الفل
استخار و إختار فشة أو ممبار
يالا سمي و كل
يام المطاهر رش الملح سبع مرات
بمقامه الطاهر خشي و قيدي سبع شمعات
يا عريس يا صغير
علقة تفوت و لا حد يموت
لابس و مغير و هتشرب مرقة كتكوت
بالذمة دة سابع عيل مزفوف من وقت قليل
مولد شالله يا معلم عقبال أولادك سلم
واحد مظبوط و إتنين مصري
عندك حاضر جايلك دوغري
مسا التماسي مسا التماسي
ياورد قاعد على الكراسي
هات شاي يا دقدق عيني و راسي
سمعنا يا ريس حنتيرة
للصبح معاك السهيرة
سمعنا سمعنا
يا غزال يا غزال العشق حلال
دوبتني دوب خلتني خيال
يا شفتك فص فراولة و أنا لا قوة و لا حولا
دوختلي قلبي علاولا
أه يا غزال العشق حلال
يارب يا عالم بالحال
تهدي حبيبي و يصبح عال
و أغني و ارقع بالموال و أقول يا غزال
وقف ياريس حنتيرة في ناس هنا قاعدة كتيرة
ولا حد قال هات تعميرة و لا واحد شاي
أه اللي هيطلب راح يقعد
و اللي ما يطلبش يبعد
يالابنا نخرج يا مسعد شارع التورماي
ورينا القوة يا بني إنت وهو
مين عنده مروه و عاملي فتوة
يقدر بقدارة على زق التارة و يفرقع بمبة
وسع أنا أزق التارة و أضرب ميت بمبة
دانا الاسطى عمارة من درب شكمبة
سيطي من القلعة لسويقة اللالة أنا واخد السمعة
طب يالا تعالى

لاياعم سعيدة هه هئ دي البدلة جديدة
هأأأه سعيدة يابو بدلة جديدة
إوعد يارب إوعد أدي كمان قهوة
يالابنا يا مسعد ندخل على سهوة
طار في الهوا شاشي و إنت متدراشي
طرفه شاورلي شاورلي عليك
حكم الهوى ماشي
هوا العصاري على سطح جاري
خدني و رماني عليك و لا إنت داري
أهين يا ناري منك يا جاري
خدني ورماني رماني عليك هوا العصاري
طار في الهوا شاشي و إنت متدراشي
طرفه شاورلي شاورلي عليك
ماشي ماشي ماشي كلامك
اللي هيطلب راح يقعد و اللي مايطلبش يبعد
يالابنا نخرج يا مسعد شارع التورماي
ناس من بلدنا هناك أهم
روح يا إبراهيم إندهلهم
سلامات عالبلديات
ليلتكوا أنس و جلجلة إنشد و لعلع يا ولا
شفت في منام صاحب المقام دة أوبهة
و يمامة حايمة عليه بتسبح ربها
ميلت فوق يده وجيت أحبـــــها
صحوني من النوم خدت بعضي
وتني جاي و بعودة حـــي
ياولاد الحلال بنت تايهة طول كدة
رجلها الشمال فيها خلخال زي دة
زحمة يا ولداه كام عيل تاه؟؟
اليلة الكبيرة يا عمي و العالم كتيرة
ماليين الشوادر يابا في الريف و البنادر

28 أغسطس 2010

شغالين في الأزرق !!

الإلقاء: أحمد حلمي
الشاعر: ميدو زهير

لأن خط الميرى أزرق
والقلم في الفصل أزرق
وأما قال مقلوب و حطفح ..
ركبوه البوكس الأزرق .. ولبسوه في السجن أزرق
وختموا ختم النسر الأزرق
...
... البنات القطر فاتهم .. بخ تحت عنيهم أزرق
واللى ضايعة تستخبى .. تحت ليلة هلس أزرق

والجميلة كى لاتحسد
كان لابد الفص الأزرق
والولد لفلف ودخن
فخ كان دخانه أزرق

مصوا دمه و دارى همه .. ف بنطلونه الجينس الأزرق
وإن قال حرام يرموه ف مكان .. مايعرفوش الجن الأزرق
يبقي ليه الأحمر و الأبيض لما هيا لونها أزرق