Translate

03 ديسمبر 2009

اللب المقزقز و ميكنة فرشاة الأسنان

أسعد الله أوقاتكم
نسمع عن النقل المجوقل للقوات الخاصة
و نسمع عن الدعم اللوجيستي
من عناصر أرضية علي مسرح الأحداث

لكن هل سمع احدكم عن اللب الموقزقز

نعم
لب متقزقز جاهز
علشان متتعبش نفسك في القزقزة
متقشر جاهز للسف

ايضا توجد فرشاة اسنان اوتوماتيك
لكي لا تتعب يديك التي يدمي الحرير بنانها

و ريموت لكي لا تقوم و تقعد للتليفزيون و المروحة و فتح الأبواب

ثم ماذا
ثم كرش يتدلي من فرط الكسل

ثم ماذا
ثم تمشية و تريض

ثم ماذا
برامج حمية و جيمنيزيوم و أدوية تخسيس

عجيب أمرنا
ناس لا تجد القوت و أناس تأكل قوتها و قوت غيرها
ثم تبحث عن التخسيس
يعني ضياع فلوس في الأكل و ضياع فلوس في التخسيس

و حقيقي محلاها عيشة الفلاح
رياضة طبيعية و همة توجب المروءة و الشهامة
و راحة البال
طبعا ما لم ينكد عليه بتوع بنك التسليف الزراعي

و السؤال الذي نسأله هل اللب يقزقز بماكينة
أم يجمعون العاطلين عن العمل
لقزقزته و تجميعه في أكياس للغير قادرين علي القزقزة

و أحلي سلام للب الوقزقز

هناك تعليق واحد:

Unknown يقول...

أكيد اللب مقزقز بماكينة تعرف ليه علشان ميستخدموش عمالة زيادة عن اللزوم هم عايزين أرباح مش عماله تقعد بوشهم طول الوقت يعنى كسب سهل خصوصا انه احنا بزمن الناس صارت تتعب من التقشير لانه الهموم كتيرةومش فاضيين.
بش الواحد بيتمنى أنه تكون فى ماكينة تقشر الغباءوقلة الضمير الموجودة فى رؤوس الناس ... وعجب