في روضة ما في جزيرة ما فوق سطح المريخ
هتف بطوط تيجو يا ولاد نلعب ديموقراطية؟؟
فأجابه الأطفال في براءة: دي استغماية و لا عسكر و حرامية
و لا مسكونا ضربونا حمونا بالليفة و الصابونة؟؟؟؟فأجابهم لأ....دي لعبة أمريكاني
أول حاجة كل ما تتزنق اكدب.و اكدب و اكدب الي ان يصدقك الناس
ثم اكدب و اكدب الي ان تصدق نفسك فهتفوا حلوة دي..
ثم قال: و اللي يطول أخوه ينتف له ريشه
و اللي يشوف اخوه بيبني يهده و اذا ما لحقش يطخه يموته
و يحط يافطة ان هو اللي بني و هو أول منو أحسن من.. و أجدع من...و أن كل شئ هو اللي بدأه......
قالوا جميلة دي..زاد و قال : و بعدين نشنع علي اللي يقف في طريقنا و نخلي البنت ميمي تتبلي عليه و الواد حرنكش يكتب له كام مهموز في مجلة الحائط موافقين..بس شرط قبل كل اجتماع بينا موبيلات علشان ننسق و نعمل عليه إجماع كل مرةو كل ما يقول الحق و المستحق و القانون و الكلام اياه ده نصوت و نغير له القانون و اذا عصلج نقعد له قعدة..و ما وصيكوش: الغل و الحقد و متبقوش طايقين حد- لأ مش طايقين هدومكم- لأ مش طايق نفسك التي بين جنبيك.....تمام و حتدينا ايه حديكم نص السندوتشات اللي بلهفها
يلا بينا..نلعب ....هييييييييييييييييييه....
مين يعادينا هاها في أراضينا مين مين
الجبال تحتينا بالقدم ندهسهاو النجوم بأدينا م السما نقطفهاو الشيطان يهرب من لياليهم هاه
اهذا ما كان أهل المريخ يرضعونه أبنائهم في الحقبة 42-علي بابا و الاربعين اسمه ايه ده
و قد كان هذا التهريج سببا في فناء أهل المريخ
ليست هناك تعليقات:
إرسال تعليق