يعتمد النصاب فيما يعتمد علي إسالة لعاب الضحايا و تكبير اللقمة لهمو هذا بعض مما تعرضت لهو لكن الله سلم ..1و صلني بريد منذ عدة سنوات يطلب منيمبلغ 50 استرليني لتخليص اجراءات فك المبلغ الذي ربحتهو هو مليون جنيه استرليني و يدعي انه مكتب محامي يتولي تخليص هذه المعاملات لم يكن الامر منطقيا فلم اشترك في شئ من هذا القبيل المهم قولت اجاريهالأول ارسلت له اني متنازل له عن عشرة الأف جنيه يخصمهم من المبلغ فرد لأ عاوز خمسين اولا فعرفت انه نتن و خواجه معفنكنت مسافر و قتها فرنسا و ترانزيت ف لندن يوم فرجعت ارسلت له أني اود زيارة شركتكم انا و المحامي الخاص بي اثناء وجودي و انقطعت مراسلاته فورا رغم ارسالي له عشرات الرسائل2مرة تانية و انا قاعد اراجع رسايلي لاقيت شاشة كبيرةحمراء طالعة مبروك كسبت نصف مليون دولاراتصل خلال ساعة علي الرقم كذا اتصلت لقيت واحد رزل قاعد يتكلم معايا عشر دقائق قلت له انا مش فاضي ابعت لي فاكس او بريد رفضفأغلقت الخطلأن ده ممكن فعلا مستأجر خط و بيأخذ نسبة علي المكالمات الورادة زي بتوع المسابقات 3فيه كمان رسايل لذيذة بتيجي كالتالي:أنا كوكو لاباتتاتا ابنة رئيس وزراء دولة معرفش ايه الافريقيةو دادي مات و سايب ملايين في بيلاد برررررهممكن تبعت لي رقم الحساب و مبلغ مش عارف كامعلشان نودع كام مليون عندك يصيفوا و نرجع ناخدهم في الشتا و قصص وهم...وقاك الله من النصابين..4احكي لك حكاية حدثت لقريبة لنا من عشرين سنةتعلم ان النعي بالصحف يعطي معلومات وافية عن العائلات من قبيل الفشخرة يعنيالمهم عرف نصاب من النعي ان لهم ابن في الخليج يعمل مدير شركة ذهب علي عنوان النعي بعد 6 شهورو قال لهم ابنكم باعت شحنة ادوات كهربائية و عاوزين 3 الاف جنيه لتخليص الجمرك علي حظه المهبب كان ابنهم اتنقل مدير لفرع الشركة في دولة اخر يففطنوا للموضوع و جاروه و علي حظه الأغبر ابن اختها كان رجل امن متصيت و في الموعد المحدد لبسوه احلي اساور...أساور الداخلية و حكم عليه ب سنة سجن5أما اول ما داهمني من نصب جعلني حريصا طيلة حياتي فكان و انا في السادسة من عمري كنا في الستينات و ارسلوني في البيت للبقال و هو تحت البيت مباشرةو هم ينظرون علي من الفراندة (لأتعلم الجرأة)و معايا ورقة ب جنيه ورقة أخري بالمطلوب شراؤهو انا خارج و كان الباقي حوالي ثمانون قرشاصادفني رجل كبير شايب و قال لي يا بني حرص علي فلوسك هات اربطهم لك كويس و لمن عاشوا هذه الفترة كان الباعة يلفون العملات المعدنيةكل عشرين قرش في ورق محكم لسهولة العد المهم رجعت البيت و فتحوا اللفافات اللي فيها الفلوس عارفين الراجل المجرم كان استبدلها اثناء ادعاء مساعدتي بماذا؟؟؟؟بأجزاء من قولاحة الذرههذا الموقف جعلني لدي حساسية خاصة من النصابين سواء لفظا أو فعلا ..و اعرف الكداب من عينيه عارفين ازاي؟؟؟؟ هي هي نظرة الراجل الشايب و هو بيبدلي الفلوس اتذكر النظرة الخائنة المشوبة بالحذر الكاذبة عبر عشرات السنيينبس يوميها ضحكنا ضحك و قلبوها في البيت تهريج و قعدوا يبوسوا في و يقول لي مش مهم المهم أخدت درسعارفين 80 قرش و قتها يعني ايه؟؟؟ الجريدة كانت بقرشو ايجار بيتنا اربع غرف و 3 بلكونات و فراندة و حمامين و مطبخ كان ب 3 جنيهارجوكم ارجوكم ارجوكم حطوا المثل ده حلقة في ودنكم"الحداية مش بترمي كتاكيت"و ابعدوا دايما عمن يلقحون جتتهمأو حد عاوز يفتح حوار معاك في الشارعو دول كتروا جدا ربنا يريحنا من شرورهم تخيل كده نفسك و جايلك رسالة من لوندون و انت قاعد لا بيك و لا عليك مبروك جالك ولد و احنا هنا معاك وست-ايست هوسبيتال و عاوزين مصاريف الولادة لأ و ايه يمكن انت مش متجوز أصلا و لا عمرك شرفت هناك عموما كل واحد يخلي باله من لاغاليغهو وقاكم الله من شر كل ثعلب و أولعوبان و من كل أفعي طرية في السم مخفية و من كل فاجر عليم اللسان
و فعلا حلو و كداب
ليست هناك تعليقات:
إرسال تعليق