زمان كنت كل ما اشوف حاجة مش عاجباني اقول ليه مفيش
عندنا تخطيط لما مرت بي الأيام و عرفت ان في ناس
بتشفط بالمليارات و تهرب..و تموت و حساباتها تؤول
الي بنوك أصحابها ليسوا مسلمين تغير منظاري للحياة
هذا يهبر مليارات و هناك من يدعوا الله لييسر له الزواج
او العلاج أو الدراسة أو بيت يستره...هذا زنقه و هرب..
مع ان معاه يكفي مئات الألاف من البشرو ليكمل هذا تمام
الأثم و الوزر انظروا الي ما كنت أري؟؟؟؟و انظروا الي تفكيرهم
الشوارع مطبات ليه منصلحاش؟؟؟طيب و شركة قطع الغيار
بتاعة لولو بك و حرمه تبيع ازاي..خلي الشوارع مكسرة
سبوبة
المقاول غاشش في العمارات و حتتنكس؟؟طيب و الباشميهينداس
بتاع الحي مش لازم يلهف و صاحب الأرض
مش لازم يكسب طيب ما تتهد
سبوبة
المدارس بايظة ليه منصلحشي التعليم؟؟طيب و البيه
المدرس الخصوصي يدرس لمين..بوظ يا عم بوظ
سبوبة
المستشفيات عاوزين نصلح حالها؟؟طيب و الخاص
و العيادات تشتغل ازاي؟؟ سبوبة
عارفين ابشع غلطة بتتعمل بتكرار و بغباء؟؟
هي السماح بصراع المصالح
Conflict of interestsازاي أبقي مدرس خصوصي
مطلوب مني تطوير التعليم أو صاحب مستشفي مطلوب
مني تطوير القطاع الحكومي أو شاهبندر التجار و ابقي
وزير التجارة و اقول ايه يتجمرك و ايه يتصدر؟؟؟
فكروا شوية؟؟؟إحنا بنهد مش بنبني؟؟صدقوني أول شئ
لابد من اعادة بناء الانسان كده مينفعش الريحة طلعت!!!!!!!!
عاوزين ناس في المصالح الحكومية أمينة و سقف مصالح الأوطان
أعلي من سقف طموحاتها الشخصية المدمرة ربنا ينجينا
من بتوع:سبوبة و اسرق و اخلع يا كابتن!!
و الأوباش اللي شعارهم اسرق الحكومة
بس متوريهاش السريقة.......أه هي السريقة اليوم الصبح
رأيت برنامج عن خط الحجاز اللي بناه العثمانيون و بقاياه في حيفا
و يافا و المحطات من الحجر المنحوت عليه اشكال قطارات....شيئ شامخ
رغم مئات السنين..بنوا ليستمر الخير و نبني ليستمر النهب ربنا يكرمكم
سيبوا الخير لاخوانكم
و رحمة الله علي الشيخ الشعراوي حين قال:
ان فقر الفقير ناتج عن اغتيال رزقه...
و منك لله يا زانقني و جنبك فاضي
ليست هناك تعليقات:
إرسال تعليق